یەکەمین بارانی ئەمساڵ کارەبای 24 کاتژمێریی کوژاندەوە و لایەنی پەیوەندیداریش هۆکارەکەی بۆ هەبوونی شۆرتی کارەبا دەگەڕێنێتەوە.


هەواڵ:KNNC


یەکەمین بارانبارینی ئەمساڵ کارەبای بەشێکی تەواوی شارەکانی لە هەرێمی کوردستان کوژاندەوە و بەشێکیان تا ئێستا کارەبایان بۆ نەگەڕاوەتەوە.

بەپێی زانیارییەکانی تۆڕی پەیامنێرانی کەی ئێن ئێن،

لە شاری هەولێر، گەڕەکەکانی، ڕۆشنبیریی، کارێزان، ڕاستیی، مامۆستایان، گوڵان، زانیاریی، بنەسڵاوە، کانی قرژاڵە زانیاریی، زاگرۆس، توەڕەق و نەورۆز و هەڤاڵان، لە کاتژمێر 02:00ی ئەمشەوەوە کارەبایان بڕاوە و تا ئێستاش کارەبایان نییە.

لە شاری سلێمانیش زۆرینەی گەڕەکەکان کارەبا کوژاوەتەوە، بەشیکیان لە شەوەوە و زۆرینەسیان لە کاتژمێر 08:00ی ئەم بەیانییەوە کارەبایان بڕاوە و تا ئێستاش بێکارەبان.

هاوکات لە چەند گەڕەکێکی شاری دهۆکیش بۆ ماوەی چەند کاتژمێرێک کارەبا کوژایەوە و دواتر گەڕایەوە.

لەوبارەیەوە ئەندازیار غالب محەممەد بەڕێوەبەری کۆنترۆڵی کارەبای سلێمانی ڕایگەیاند: بارانبارارینەکە بووەتە هۆی دروستبونی شۆرتی کارەبا لەسەر تۆڕەکانی دابەشکردنی کارەبا و ژمارەیەک فیدەری کارەبا لەناوشار و دەرەوەی شار ناتوانن کارەبا بدەن.

ئاماژەی بەوەشدا، پاش دروستبوونی کێشەکە، تیمی هۆبەکانی دابەشکردنی کارەبا سەرقاڵی چارەسەرکردنی گرفتەکەن...