وەزیری دەرەوەی ئێران دەڵێت هیچ ئەگەرێک بۆ دانوستانیان لەگەڵ ئەمەریکا بوونی نییە و هەرکات یەکسانیی لە گفتوگۆکاندا هەبوو ئەو کات ئامادەی دانیشتنن.

هەواڵ:KNNC

عەباس عەراقچی وەزیری دەرەوەی ئێران لە نوێترین لێدوانیدا لەبارەی پرسی ئەتۆم و دانوستانەکان ڕایگەیاند: هیچ ئەگەرێک بۆ دانوستانی نێوان ئێران و ئەمەریکا بوونی نییە و هەر هەنگاوێکی دەستپێکردنەوەی دانوستانەکانیش لە ئێستادا ئەستەمە.

لەبارەی ئامادەیی ئێران بۆ پرسی گفتوگۆ، عەباس عەراقچی وتی، ئێران ئەو کاتە دانوستان دەکات و دەچێتە سەر مێزی گفتوگۆ، کە ئەمەریکا دڵنیایی بدات لە ڕەخساندنی زەویینەی لەبار و کەشێکی یەکسان بۆ هەردوولا.

ئەوەش لە کاتێکدایە، پێش شەڕی 12 ڕۆژەی نێوان ئێران و ئیسرائیل، پێنج گەڕی دانوستان لەنێوان تاران و واشنتن تایبەت بە پرسی ئەتۆم بوڕێوەچووە، تا ئێستاش سەرجەم هەوڵەکانی دەستپێکردنەوەی دانوستانەکان بەهۆی پێداگریی هەردوولاوە شکستیان هێناوە...