وته‌بێژی پارتی یه‌كسانی و دیموكراسیی گه‌لان ئاشكرایكرد توركیا جددی نییه‌ له‌پرۆسه‌ی چاره‌سه‌ری ئاشتی و هه‌نگاوی به‌رامبه‌ر به‌كورد نه‌ناوه‌

هەواڵ:KNNC

ئایشەگول دۆغان، وتەبێژی پارتی یەکسانی و دیموکراسیی گەلان (دەم پارتی)، له‌كۆنگره‌یه‌كی رۆژنامه‌وانی له‌ئه‌نقه‌ره‌وه‌ ڕایگەیاند، هه‌رچه‌نده‌ په‌كه‌كه‌  هه‌نگاوی جددی  و باشی  ناوه‌  له‌پێناو پرۆسەی چارەسەری ئاشتی، بەڵام  ده‌سه‌ڵاتدارانی ئه‌نقه‌ره‌ هه‌نگاوێكی ئه‌وتۆی له‌به‌رامبه‌ردا نه‌ناوه‌وجددی ده‌رناكه‌وێت له‌چاره‌سه‌ری ئاشتیدا.  

دۆغان راشیگه‌یاند؛ لیژنه‌ی پرۆسه‌ی ئاشتیی له‌په‌رله‌مان به‌سود وه‌رگرتن له‌راوبۆچونی هه‌مولایه‌ك به‌رپرسانه‌ مامه‌ڵه‌ ده‌كات و پێویستیشه‌ هه‌موو لایهك به‌شدار بن و دوپاتیشكرده‌وه‌ كه‌ كاره‌كانی لیژنه‌كه‌ سه‌ركه‌وتوو بووه‌.

وته‌بێژه‌كه‌ی ده‌مپارتی رایگه‌یاند ، سه‌رباری داواكاری ده‌وڵه‌ت باخچه‌لی سه‌رۆكی مه‌هه‌به‌ بۆ دیده‌نی نێوان لیژنه‌كه‌ی په‌رله‌مان و عه‌بدوڵا ئۆجه‌لان  له‌ ئیمرالی به‌ڵام بازانن بۆچی ئه‌و لیژنه‌یه‌ سه‌ردانی ناوبراو ناكات و له‌گه‌ڵی كۆنابێته‌وه‌.