سەرۆکوەزیرانی عێراق دەڵێت: پابەندن بەوەی تەواوی هێزە چەکدارەکان بخەنە ژێر چەتری حکومەتەوە و پرسەکەش پەیوەستە بە کشانەوەی ئەمەریکا لە عێراق.

هەواڵKNNC


محەممەد شیاع سودانی سەرۆکوەزیرانی عێراق ڕایگەیاند: ئەوان وەک دەسەڵات پابەندن بەوەی کە تەواوی هێزە چەکدارەکان بخەنە ژێرچەتری حکومەتەوە و بەڕیکخستن بکرێن، بەڵام پرسەکە بە تەواوەتی بەستراوەتەوە بە کشانەوەی هێزەکانی ئەمەریکا و هاوپەیمانان لە عێراق.

لەبارەی چۆنییەتی کۆنترۆڵکردنیان وتی، دەکرێت بچنە چوارچێوەی هێزە فەرمییەکان یانیش چەک دابنێن و خەباتی چەکداریی بگۆڕن بۆ خەباتی سیاسی.

ئاماژەی بەوەشدا، کە هەموو ئاماژەکان بۆ ئەوەن کە تا ئەیلولی 2026 و بە کەمتر لە ساڵێکی دیکە، تەواوی هێزەکانی ئەمەریکا و هاوپەیمانان لە عێراق بکشێنەوە ئەو پڕۆسەیەی لە سەرەتای ئەمساڵەوە دەستی پێکردوە کۆتایی بێت، چونکە مەترسییەکانی داعش و تیرۆر تەواو لاواز بوون.

وتیشی هەڵوێستی عێراق لە پرسی پاراستنی ئاساییشەکەیدا ڕوونە، دامەزراوەکانی دەوڵەت بڕیار لە ئاشتیی و شەڕ دەدەن و هیچ هێز و وڵاتێک ناتوانێت عێراق بخزێنێتە ناو شەڕەوە...