پلەکانی گەرما دادەبەزن و بەم نزیکانەش بارانی پێویست بۆ پەڵەدان لە هەرێمی کوردستان دەبارێت.



هەواڵ:KNNC

دەستەی کەشناسیی و بومەلەرزەزانیی هەرێمی کوردستان پێشبینییەکانی کەشوهەوای ئەم دوو ڕۆژەی بڵاوکردەوە و ڕایگەیاند: ئاسمان ساماڵ و پەڵەهەور دەبێت، پلەکانی گەرماش دادەبەزن.



دابەزینی پلەی گەرما دوو بۆ سێ پلەی سیلیزیی دەبێت لە سەرجەم ناوچەکانی هەرێمی کوردستان و بەپێی پێشبینییەکان بۆ بەرزترین پلەکانی گەرما، گەرمیان بە تۆمارکردنی 30 پلەی سیلیزیی بەرزترین پلەی دەبێت و حاجی ئۆمەرانیش بە 18 پلەی سلیزیی نزمترین پلەی دەبێت، سلێمانی و دهۆک 28 پلە، هەولێر و هەڵەبجە و کەرکوکیش 29 پلەی سیلیزیی دەبن.



لەبارەی بارانبارین و وادەی پەڵەدان، شاڵاو هیدایەت شارەزای بواری کەشناسیی بە کەی ئێن ئێنی ڕاگەیاند: لە هەفتەی دووهەم و نیوەی ئەم مانگەدا شەپۆلێکی بارانبارینی سەرتاسەریی هەرێمی کوردستان دەگرێتەوە، لە دوای ناوەڕاستی مانگیشەوە تا کۆتایی مانگ لە بەشێکی زۆری ناوچەکانمان پەڵەدەدات و لە مانگی 12 و پێش کۆتایی پاییز لە تەواوی هەرێمی کوردستان پەڵەدەدات....