هەواڵگریی ئۆکراین ڕایدەگەیەنێت: سێ بۆری نەوتیی مۆسکۆیان تەقاندوەتەوە، بۆردومانی بۆرییە نەوتییەکانیش بە فشاری سەربازیی و ئابوریی ناودەبات.


هەواڵ:KNNC



بەرپرسی هەواڵگریی سەربازیی ئۆکراین ڕایگەیاند: بە ئامانجگرتنی کەرتی وزەی ڕوسیا بەردەوامە و لە نوێترین پێشهاتیشدا، سێ بۆری نەوتیی وڵاتەکەیان تەقاندوەتەوە.

ئاماژەی بەوەشدا، بۆرییە نەوتییەکان لە ناوچەی مۆسکۆ تەقێندراونەتەوە و بەردەوامیش دەبن لە چالاکیی هاوشێوە.

بەرپرسی هەواڵگریی ئۆکراین ڕوونیشیکردەوە کە لێدان لە وزەی ڕوسیا هەڕەمەکیی نییە، بەڵکو بە ئامانجگرتن و بۆردومانکردنی بۆرییە نەوتییەکان، بەشێکە لە فشارە سەربازیی و ئابورییەکان بۆسەر مۆسکۆ.

لەلایەکی دیکەوە سوپای ئۆکراین ڕایگەیاند: شەوی ڕابردوو ڕوسیا هێرشێکی فروانیی کردوە و لە کۆی 223 فڕۆکی بێفڕۆکەوانی ڕوسیا، توانیویانە 206 فڕۆکەی بێفڕۆکەوان لە ئاسمانی چەند ناوچەیەکی خاکی وڵاتەکە بخەنە خوارەوە...