دەمپارتی هەنگاوەکانی پەکەکە بە گرنگ بۆ دیموکراسیی و ناودەبات و ڕایدەگەیەنێت: ئاشتیی تەنها بە بێدەنگردنی چەک نابێت و دەبێت دان بە مافی هەموواندا بنرێت و دادپەروەریی دەوڵەتیش بە هەوڵی لەناوبردنی جیاوازییەکان ناودەبات.

هەواڵ:KNNC

دەمپارتی لە نوێترین بەیاننامەیدا ڕایگەیاند: ئەو هەنگاوانەی کورد و پارتی کرێکارانی کوردستان لەبارەی پڕۆسەی چارەسەریی ناویانە هەوڵی تەواون بۆ دیموکراسیی، کشانەوەی پەکەکەش خاڵێکی گرنگی قۆناغەکەیە و نابێت بە کەم لێی بڕوانرێت و لەبەرامبەردا دەوڵەتی تورکیا دەستبەجێ هەنگاوی یاسایی و سیاسیی بگرێتەبەر.

دەمپارتی: تورکیا بەهۆی حکومەتەوە ڕووبەڕووی نایاسایی و بێدادی و چەوساندنەوە دەبێتەوە، ئەو کارانەشی دژ بە جەهەپە کران تەنها بەرامبەر پارتێک نەبوو، بەڵکو خواست و گەل کرانە ئامانج، تەنانەت دەسەڵاتی دادوەریی پەنای بۆ تۆمەتی سیخوڕیی برد.

دەمپارتی ئاماژەی بەوەشکردوە، ئەو ڕەشنوسەی دەوڵەت وەک دادپەروەریی ناوی دەبات بۆ کۆنترۆڵکردنی پێکهاتەکانە و بە تەواوەتی ئازادییە نەتەوەیی و کەلتوریی و زمانییەکان پێشێل دەکات و جیاکارییە کۆمەڵایەتییەکان زەق دەکاتەوە، دژەدیموکراسییە بۆیە دەبێت هەرچی زووە هەموار بکرێتەوە...