کەشوهەوا ئاسایی دەبێت و کەشناسێکیش دەڵێت: لە 10 ڕۆژی یەکەمی مانگی داهاتوو چاوەڕوانی بارانبارین مەبن.

هەواڵ:KNNC



کەشناسیی عێراق پێشبینییەکانی کەشوهەوای بڵاوکردەوە و ڕایگەیاند: ئاسمان ڕوون دەبێت و کەشوهەوا ئاسایی دەبێت.

لای خۆشییەوە پشتیوان پێنجوێنی شارەزای بواری کەشناسیی بە کەی ئێن ئێنی ڕاگەیاند: لە مانگی تشرینی دووهەم-11 دابارین لە هەریمی کوردستان لە خوار ئاستی ئاساییەوە دەبێت و پلەکانی گەرماش لەسەروو ئاستی ئاساییەوە دەبن.

ئەو کەشناسە لەبارەی بارانبارینەوە ئاماژەی بەوەدا، تا 7ی مانگی داهاتوو هیچ بارانبارینێک بۆ هەرێمی کوردستان پێشبینی نەکراوە، پێشبینی دەکرێت بارانبارین بکەوێتە 10ی مانگ و دواتر.



بەپێی بڵاوکراوەیەکی دەستەی کەشناسیی و بومەلەرزەزانیی هەرێمیش لەبارەی بەرزترین پلەکانی گەرما، نزمترین پلەی گەرما لە حاجی ئۆمەران دەبێت کە 21 پلەی سیلیزییە و بەزرترینیش لە گەرمیان دەبێت کە 33 پلەی سیلیزییە.