شاندێکی حکومەتی هەرێمی کوردستان بۆ پرسی داهات لە بەغدادە، هەردوولا لەبارەی داهات و ڕێکخستنەوەی گومرگ قسە دەکەن، ئەنجومەنی دەوڵەتیش بۆ پرسی داهاتی نانەوتیی هەرێم کۆدەبێتەوە.

هەواڵ:KNNC

میدیاکانی عێراق لەزاری سەرچاوەیەکی ئاگەدارەوە بڵاویانکردەوە، کە شاندێکی حکومەتی هەرێمی کوردستان تایبەت بە پرسە داراییەکانی نێوان هەردوولا گەیشتونەتە بەغداد.

ئاماژەیان بەوەشداوە، ئامانجی سەردانییەکەیە و کۆبوونەوەکان تاوتوێکردنی پرسی داهاتە نانەوتییەکان و ڕێکخستنییەتی بەپێی دابەزینەکان لە نرخی نەوتدا.

هاوکات باس لە چۆنییەتی ڕێکخستنەوەی گومرگەکان و دەروازە سنوورییەکان دەکرێت، بەمەبەستی زیادکردنی داهاتی نانەوتیی بۆ هەرێمی کوردستان و عێراق.

میدیاکان ئەوەشیان ئاشکراکردوە، کە بڕیارە ئەنجومەنی دەوڵەت کۆبووەیەک بکات تایبەت بەپرسی داهاتە نانەوتییەکانی هەرێمی کوردستان و دواتر هەڵوێستی خۆیان لەسەر پرسەکە بخەنە بەردەم محەممەد شیاع سودانی سەرۆکوەزیرانی عێراق....