پەکەکە لە هەنگاوێکی نوێدا کشانەوەی گەریلاکانی لە باکوری و کوردستان و تورکیا ڕاگەیاند و بڕیارەکەش بۆ بەرەپێشبردنی قۆناغی پڕۆسەیی چارەسەری ناودەبات و داوای دەستبەجێ هەنگاو لە تورکیا دەکات.

هەواڵ:KNNC

لە هەنگاوێکی مێژووییدا ئەمڕۆ گروپێک لە گەریلاکانی پارتی کرێکارانی کوردستان-پەکەکە لە بناری قەندیل لە کۆنگرەیەکی ڕۆژنامەوانییدا ڕاگەیەندراوێکیان خوێندەوە لە چوارچێوەی ئەو پڕۆسەیەی چەند مانگێکە دەستی پێکردوە.

مەڕاسیمەکە بە ئامادەبونیی 25 گەریلا و سەبری ئۆک ئەندامی دەستەی بەڕێوەبەری کۆما جڤاکێن کوردستان-کەجەکە و بێژین دەرسیم ئەندامی دەستەی هەرێمی یەژاستار کە لە باکوری کوردستانەوە هاتبو، هەروەها دەڤرین پالو فەرماندەی فەرمانداری هێزەکانی پاراستنی گەلە-هەپەگە بەڕێوەچوو.

پەکەکە لە ڕاگەیەندراوەکەیدا ئاماژەی بەوەدا، ئێمەی لایەنی کورد لە هەشت مانگی ڕابردوودا بۆ نپڕۆسەی چارەسەریی و ئاشتی هەنگاو مێژوویی و گەورەمان ناوە، لە 1ی ئازار ئاگربەست و هەفتەکەی دوای ئەوەش کۆنگرەی خۆڵوەشاندنەوەمان بەست، لە 11ی تەمموزییشدا مەڕاسیمی چەکلەناوبردنەمان ئەنجامدا و سەلماندمان کە بۆ ئاشتیی کۆتایی بە چەکداریی دەهینین.



پەکەکە: هه‌ڵوێسته‌ بوێرانه‌ و فیداكارانه‌یه‌ی كورد كه‌ هه‌میشه‌ لایه‌نگری ئاشتی و دیموكراسی و ئازادیی بووه‌، به‌شێوه‌یه‌كی گشتی له‌ ناوخۆ و ده‌ره‌وه‌ی توركیاش پێشوازییه‌كی گه‌رمی لێكراوە زەویینەیان بۆ ئاشتیی ڕەخساندوە.

لە کۆنگرەکەیاندا ئاماژەیان بەوەشدا،  لەسەر بنچینه‌ی به‌رنامه‌ و بڕیاره‌كانی كۆنگره‌ی 12 به‌ ده‌ستوری عه‌بدوڵا ئۆجالان ده‌ستیان به‌ هه‌نگاوی كشانه‌وه‌ی ئه‌و هێزکەنای گەریلا کردوە لە باکوری کوردستان و تورکیا، لەو سەنگەرانەی له‌به‌رده‌م ئه‌گه‌ری مه‌ترسی پێكداداندان زەویینەیان لەبارە بۆ ڕوودانی ئه‌گه‌ری نه‌خوازراو.

پەکەکە ڕاشیگەیاندوە، کە پێویستە لایەنی بەرامبەر کە دەوڵەتی تورکیایە، دەستبەجێ هەنگاوی یاسایی و سیاسی بنێت، کە بەشێکن لە مەرجەکانی پەکەکە و کۆنگرەی 12یان، دەشبێت یاساکانی پەیوەست بە ئازادیی و ڕاگوزەری تایبه‌ت به ‌پەکەکە به‌ بنچینه‌ وه‌ربگیرێت بۆ بەشداری سیاسه‌تی دیموکراسیی...