دەستەی کەشناسیی عێراق: خۆڵبارین ڕوو لە ناوچەکە دەکات پلەکانی گەرماش گۆڕانکارییەکی ئەوتۆیان بەسەردا نایەت.

هەواڵ:KNNC

دەستەی کەشناسیی عێراق پێشبینییەکانی کەشوهەوای بڵاوکردەوە و ڕایگەیاند: سبەی شەممە ئاسمان ساماڵ و هەور دەبێت، هەروەها لەمڕۆوە خۆڵبارین ڕوو لە بەشێکی وڵات و بە تایبەت ناوچەکانی ڕۆژئاوا دەکات و تا ڕۆژی سێشەممەی هەفتەی داهاتوو بەردەوام دەبێت، هاوکات خێرایی باش زیاد دەکات.


لەبارەی پلەکانی گەرمای شارەکانی عێراق دەستەکە ئاماژەی بەوەداوە، نزمترین پلەی گەرما لە نەینەوا تۆماردەکرێت کە 31 پلەی سیلیزییە و بەرزترینیش لە میسان و بەسڕە دەبێت کە 39 پلەی سیلیزییە.


پلەکانی گەرما لە شارەکانی هەرێمی کوردستان؛ سلێمانی 28 پلە، دهۆک و هەڵەبجە 29 پلە، هەولێر 30 پلە و کەرکویش 32 پلەی سیلیزیی دەبێت.


بەپێی پێشبینییەکان لە ڕۆژی یەکشەممەوە پلەکانی گەرما لە هەرێمی کوردستان کەمێک دادەبەزن و ئاسمانیش نیمچەهەور دەبێت...