بزوتنەوەی حەمماس: ڕادەستکردنەوەی تەرمی ئیسرائیلییەکان کاتی دەوێت چونکە بەشێکیان لە تونێلەکاندا بەخاک سپێردراون و یاخود لەژێر داروپەردوی باڵەخانەکاندان، حکومەتەکەی بنیامین نەتانیاهۆش بەرپرسیارە لە هەر سستییەک لە پڕۆسەکە.


هەواڵ:KNNC


بزوتنەوەی حەمماس لە ڕاگەیاندراوێکدا ڕایگەیاند: ڕادەستکردنەوەی بەشێک لە تەرمە ئیسرائیلییەکان پێویستی بە کاتە، چونکە هەندێکیان لە تونێلەکاندا بەخاک سپێردراون، تەرمیش هەیە تا ئێستا لەژێر داروپەردوی باڵەخانە ڕوخاوەکەندایە.


بزوتنەوەی حەمماس: بنیامین نەتانیاهۆ و حکومەتەکەی بەرپرسیارن لە دواکەوتنی ڕادەستکردنەوەی تەرمەکان، چونکە هیچ ڕێگەیەک نییە بۆ چونەژوورەوەی ئامێرەکانی لابردن و پاککردنەوەی پاشماوەی وێرانکارییەکان.


بزوتنەوەکە ئاماژەی بەوەشداوە سوپای ئیسرائیل هۆکاری کوژرانی ئەو ئیسرائیلییانە و بەخاکسپاردنیان بووە تونێلەکان و مانەوەیان لە جێگە وێرانبوەکاندا...


ئەوەش لە کاتێکدایە پاش ڕاگەیاندنی ئاگربەست و ئاڵوگۆڕی 20 ئیسرائیلیی بەرامبەر زیاتر لە دوو هەزار فەڵەستینیی، لە کۆی 28 تەرمی هاووڵاتیانی ئیسرائیل حەمماس تەنها 10 تەرمی ڕادەستکردوەتەوە...