هێزەکانی سوریای دیموکرات لە راگەیەندراوێکدا ئاشکرای دەکات کە گروپە چەکدارەکانی سەر بە حکومەتی دیمەشق بەردەوامن لە تۆپبارانکردنی بەنداوی تشرین ودەڵێت" حکومەتی دیمەشق بەرپرسیارە لەم پێشێلکاریانە و ئەو دەرئەنجامە ترسناکانەی کە لەوانەیە بەدوای خۆیاندا بهێنن".

هەواڵ: KNN

دەوی راگەیەنراوەکە:

لە بەرەبەیانی ئەمڕۆوە تاقمە چەکدارەکانی سەر بە حکومەتی دیمەشق بەردەوامن لە بەئامانجگرتنی سیستماتیکی بەنداوی تشرین و دەوروبەری بە چەکی قورس، لەوانەش تانک و تۆپی مەیدانی. ئەو تۆپبارانە ڕاستەوخۆ بەر بەنداوەکە کەوتووە، هەروەها شوێنی نیشتەجێبوونی کرێکاران و گوندەکانی دەوروبەری، مەترسییەکی گەورەی بۆ سەر ژیانی خەڵکی مەدەنی دروستکردووە و دامەزراوە گرنگەکان بەرەوڕووی مەترسی کارەساتبار کەوتووە.

ئەم هێرشانە لە کاتێکدایە کە دۆخەکە داوای هێوربوونەوە و دەستەبەرکردنی بەردەوامی خزمەتگوزارییە سەرەتاییەکان دەکات، نوێنەرایەتی پەرەسەندنێکی مەترسیدار و پێشێلکردنی ئاشکرای ڕێککەوتننامەکانی ئاگربەست دەکەن. بەردەوام بوونیان تەنیا دەبێتە هۆی گرژیی زیاتر و هەڕەشە لە سەقامگیری ناوچەکە دەکات.

ئێمە حکومەتی دیمەشق بە تەواوی بەرپرسیار دەکەین لەم پێشێلکاریانە و ئەو دەرئەنجامە ترسناکانەی کە لەوانەیە بەدوای خۆیاندا بهێنن. ئێمە مافی بەرگری ڕەوای خۆمان دووپات دەکەینەوە بۆ بەرگریکردن لە گەل و هێزەکانمان لە بەرامبەر هەر هەڕەشە و هێرشێک.

ناوەندی ڕاگەیاندنی هێزەکانی سوریای دیموکرات
١ی تشرینی یەکەمی ٢٠٢٥