بزوتنەوەی گۆڕان لە شاری سلێمانی، دیداری گۆڕانخوازانی ڕێکخست و لە دیدارەکەدا چەند راسپرادەیەک گەڵەڵە کرا و جەختیان لە ئامادەکاری بۆ بەستنی کۆنفڕانس کردەوە وئاماژەیان بەوەشکردوە  ئەم دیدارە وەک هەوڵێکە  بۆ رێكخستنەوەی پەیكەری رێكخراوەیی بزووتنەوەی گۆڕان

هەواڵ:KNNC

 
ئەمڕۆ شەممە، بزوتنەوەی گۆڕان لە شاری سلێمانی بە بەشداری زیاتر لە 1400 گۆڕانخواز و ڕێکخەری گشتی بزوتنەوەکە دیداری گۆڕانخوازانی ڕێکخست.

ئەم دیدارە  بە مەبەستی هەنگاونان بو بۆ قۆناغێکی نوێ و دەستپێکێکی نوێ  و ئاڵای کوردستان کرابوە  دروشمی سەرەکی دیدارەکە، لە دیدارەکەدا دانا ئەحمەد مەجید ڕێکخەری گشتی بزوتنەوەی گۆڕان وتارێکی پێشکەشکرد و ئاماژەی بەوەدا ئەم دیدارە هەوڵێكە بۆ رێكخستنەوەی پەیكەری رێكخراوەیی بزووتنەوەی گۆڕان و پرۆژەیەكی بەهێزە، بە ئیرادەو بڕوابەخۆبوونێكی بەهێزەوە دەستی هاوکاری بۆ هەموان درێژ دەکەین.

وتیشی پاشەكشەی كاتی بزووتنەوەی گۆڕان بە پرۆسەی سیاسی هەرێمی كوردستانەوە دیارە و دەركەوت بەدیلی گۆڕان هەر گۆڕانە.

جیا لە ڕێکخەری گشتی، جڤاتی نیشتمانی و پێشمەرگە دێرینەکان و ئافرەتان و گەنجانی گۆڕان وتاریان پێشکەشکرد و دوای گەڵاڵەکردنی چەند راسپاردەیەک لە لایەن وتەبێژی بزوتنەوەی گۆڕانەوە ڕاگەیەندراوێک بڵاوکرایەوە.


لە دیدارەکەدا چەند بڕیارو راسپاردەیەك گەڵاڵەكرا لەوانە:

 
1- خۆئامادەكردن بۆ بەستنی كۆنفرانسی بزووتنەوەی گۆڕان بە چاودێری رێنماییەكانی كۆمسیۆنی هەڵبژاردنەكانی عێراق.
2- بەسەرپەرشتی دانا ئەحمەد مەجید لیژنەیەک پێكدەهێندرێت بۆ كۆكردنەوەو سەرەنجی هەڵسوڕاوان و گۆڕانخوازان
3-داڕشتنەوەی نەخشە رێگای سیاسی و گوتاری سیاسی بزووتنەوەی گۆڕان.