پۆلیسی سلێمانی بڵاویکردوەتەوە، دوای سکاڵای هاوڵاتییەک،  دوو تۆمەتباریان دەستگیر کردوە بە تۆمەتی دزینی 126 ملیۆن دینارو نزیکەی 60 مسقاڵ ئاڵتون، تۆمەتبارەکان دانیان بە تاوانەکەیاندا ناوە و لێکۆڵینەوە لەگەڵیان بەردەوامە

هەواڵ:KNNC

ئەمڕۆ دوو شەممە، بەڕێوەبەرایەتی پۆلیسی سلێمانی بڵاویکردوەتەوە، لەسەر سكاڵای هاوڵاتییەک و بەتۆمەتی دزی کردن، لەلایەن مەفرەزەكانی نوسینگەی نەهێشتنی تاوانی چەمچەماڵەوە دوو تۆمەتبار دەستگیركران.


ئاماژەیان بەوەشکردوە، دوای وەرگرتنی بڕیاری دادوەر و  دەستگیرکردنیان لەلایەن مەفرەزەکانی نەهێشتنی تاوانی چەمچەماڵ، دەست بەسەر برێک پارەشدا گیراوە.

لە بڵاوکراوکەی پۆلیسدا هاتوە؛  تۆمەتبارەکان لە دایکبوی (1999 و 2000) و دانیان بەتاوانەکەیاندا ناوە و بە بڕیاری دادوەر راگیراون، لە ئێستاشدا  لێکۆڵینەوە لەدۆسیەکەیان بەردەوامە