سەرچاوەیەکی دیپلۆماسی میسری ڕاگەیاند ؛ ئێران و ئاژانسی نێودەوڵەتی وزەی ئەتۆمی ڕێککەوتنێکیان بە سەرپەرشتی میسر واژۆ کردووە.

هەواڵ: KNN

ئەو سەرچاوەیە ڕوونی کردەوە کە ئەو ڕێککەوتنە "ڕێگا خۆش دەکات بۆ دەستپێکردنەوەی هاوکارییەکانی نێوان ئێران و ئاژانسەكە سەبارەت بە پرسی ئەتۆمی ئەو وڵاتە.

وەك ئاژانسی سكای نیوزی عەرەبی بڵاویكردوەتەوە " گەیشتن بەو رێككەوتنە دوای ئەو سەردانە دێت كە ئەمرۆ عەباس عێراقچی وەزیری دەرەوەی ئێران بۆ قاهیرەی ئەنجامداو تیایدا لەگەڵ هاوتا میسرییەكەی سەبارەت بەدۆسێی ئەتۆمی ئێران و دوا گۆرانكاریەكانی ناوچەكە كۆبوەوە.