وەزارەتی پلاندانانی عێراق ئاشكرایكرد؛ لەماوەی ساڵێدا وڵاتەكەی زیاتر لە 28 تۆن زێڕی هاوردەكردوە.

هەواڵ:KNNC

وەزارەتەكە لەزاری فەیاز دلێمی سەرۆكی دەزگای ناوەندیی پێوانەو كۆنترۆڵی جۆری بڵاویكردوەتەوە ، عێراق لەسێ مانگی كۆتایی ساڵی 2023 ەوە تاوەكو كۆتایی ساڵی 2024 بەبڕی 28 تۆن و 298 كیلۆگرام زێڕی هاوردەكردوەو هەمو ئەو زێڕانەش كە هاتونەتە عێراقەوە لەڕێگەی یەكەی پشكنین لەهەردو فڕۆكەخانەی نەجەف و بەغدادەوە پشكنینیان بۆ كراوەو مۆریان لێدراوە و  ئەو كارەش داهاتەكەی 5 ملیارو 596 ملیۆن دینار بووە.

پێشتر بانكی ناوەندیی عیراق ئاشكرایكردبوو كە وڵاتەكەی خاوەنی 168 تۆن زێڕی یەدەگە.