ئیمانوێل ماکرۆن سەرۆکی فەڕەنسا لە کۆنفڕانسێکی ڕۆژنامەوانیدا رایگەیاند، کاردەکەن بەمەبەستی ڕاگرتنی شەڕی غەززە، جەختیشیکردەوە هێرشەکانی ئیسرائیل بۆسەر هاوڵاتییانی مەدەنی و ڕۆژنامەنوسان قبوڵکراو نییە.



هەواڵ:KNNC

ئەمڕۆ دوشەمە، سەرۆکی فەڕەنسا لە کۆنفڕاسێکی ڕۆژنامەوانیدا ڕایگەیاند؛ برسیکردنی گەلی فەڵەستین تاوانێکە پێویستە بوەستێنرێت.

ئاماژەی بوەشداوە، لەگەڵ پاشای قەتەر تەمیم بن حەماد، باسی بارودۆخی غەززەیان کردوە و داوای ڕاگرتنی برسیکردنی خەڵکی غەززە دەکەن، جەختیشکردەوە کاردەکەن بۆ دڵنیابونەوە لە سەرکەوتنی هەوڵەکانی ناوبژیوانان بە مەبەستی  گەشتن بە ئاگربەست لە غەززە.

ماکرۆن باسی لەوەشکرد، هێرشە ئاسمانیەکانی  ئیسرائیل بۆ کوشتنی ڕۆژنامەنوسان و هاوڵاتییانی مەدەنی و وێرانکردنی نەخۆشخانەکان لە غەززە قبوڵکراو نییە،  میدیاکان دەبێت بتوانن بە ئازادی ئەرکی خۆیان جێبەجێ بکەن