وەزارەتی بەرگری روسیا رایگەیاند؛ لەلایەن سوپای وڵاتەكەیانەوە كۆنترۆڵی سێ شارۆچكەی تری ئۆكرانیا كراون و لە هێڵی بەرگری سوپای دوژمن نزیك بونەتەوە.

هەواڵ:KNNC

بەپێی راگەیەنراوێكی وەزارەتی بەرگری ڕوسیا سوپاكەیان دەستی بەسەر شارۆچكەكانی كاتيرينيڤكا وڤولوديميريڤكا وروسين ياریان لەهەرێمی دۆنیتسك گرتوە كەلەئەیلولی 2022 ەوە ئەو هەرێمە كەوتوەتە دەست مۆسكۆ و لەئێستاشدا لە 20% خاكی ئۆكرانیا لەلایەن روسیاوە كۆنترۆڵكراوە.

پێشڕەوی سوپای روسیا لەكاتێكدایە هەوڵەكانی دۆناڵد ترەمپ سەرۆكی ئەمریكا بەردەوامە بۆ راگرتنی جەنگ و كاریش دەكرێت بۆ دیداری نێوان ڤڵادیمیر پۆتنی سەرۆكی روسیاو ڤۆڵۆدیمیر زیلینسكی سەرۆكی ئۆكرانیا ، بەڵام وەك سێرگی لاڤرۆڤ، وەزیری دەرەوەی ڕووسیا ڕایگەیاندووە؛
 هیچ بەڵێنێک نییە بۆ ئەوەی لەم نزیکانە دیداری  نێوان هەردو سەرۆكی وڵاتەكەیان و ئۆكرانیا ئەنجام بدرێت و جەختی لەوەشكردوەتەوە، ئەگەر کۆبوونەوەیەکی لەو جۆرەش بەرێوەبچێت دەبێت بە وریاییەوە ئامادەکاریی بۆ بکرێت.