پارێزگاری بانکی ناوەندی عیراق رایدەگەیەنێت بەهۆی  متمانە نەبونی هاوڵاتیان بە بانکەکان تا ئێستا  80%ی پارەی عیراق لە ماڵەکاندایە.

هەواڵ: KNNC

عەلی عەلاق، پارێزگاری بانکی ناوەندی عیراق رایگەیاند: بەرنامەی چاکسازی بانکی بۆ ساڵی 2025 هەوڵدەدەن متمانەی هاووڵاتیان بە بانکەکان زیاد بکەن و گرنگی دەدەن بە زیادکردنی متمانەی هاووڵاتیان بە بانکەکان و بەهۆیەوە هەوڵی چارەسەرکردنی کێشە و کەموکورتییەکان دەدەن.


پارێزگاری بانکی ناوەندی عیراق راشیگەیاند: تا ئێستا هاوڵاتیان  متمانەیان بە بانکەکان نیەو    لە ئێستادا 80%ی پارەی عیراق لە دەرەوەی بانکەکاندایە و لە ماڵەکاندان .


عەلی عەلاق ئاماژەی بەوەشکرد، بەرنامەی چاکسازی بانکەکان خۆی لە نوێکردنەوەی سیستمی بانکەکان دەبینێتەوە، بەشێوەیەک هاوتا بێت لەگەڵ پێوەرە نێودەوڵەتییەکان و راکیشانی کۆمپانیا جیهانییەکان.