موراد قەریلان فەرماندەی هێزەکانی پاراستنی گەل (هەپەگە) لە بەرنامەیەکی تایبەتدا وەڵامی چەند پرسێکی دایەوە و لەسەر گەمارۆ و ئابوڵقەکانی حکومەتی عێراقی لەسەر کەمپی پەنابەرانی مەخموور هۆشداری دایە دەسەڵاتدارانی عێڕاق
هەواڵ: KNNC
فەرماندەی هەپەگە موراد قەرەیلان، دەربارەی پرسی ستەم و ئابڵوقەکانی حکومەتی عێراق لەسەر کامپی پەنابەرانی شەهید ڕۆستەم جوودی لە مەخموور لەو چاوپێکەوتنە رۆژنامەوانیەدا ڕایگەیاند: ئەوەی عێراق دەیکات بەڕاستی نەنگییەکی گەورەیە، بۆئەوەی فشار لەسەر دەوڵەتی عێراق درووستنەبێ و هەموو شتێک بەشێوەیەکی یاسایی بەرێکوپێکی بەڕێوەبچێت.
وتیشی: وەک هێزێکی سەربازی لە مەخموور دەرچووین و هەموو سەنگەرەکانمان ڕادەستییان کرد، بەڵام لە ئێستادا لە هەمان پێگەوە هەوڵدەدەن گەمارۆی کەمپەکە بدەن و فشار دەخنەسەر گەلەکەمان،
رونیشیکردۆتەوە پێویستە دەوڵەت و حکومەتی عێراقی زۆر باش لەمە تێبگات، هەر خراپەکارییەک لە دژی ئەو کەسانەی لە کەمپی مەخموور دەژین، بەمانای خراپەکاری دێت لە دژی بەهاکانمان و بەهیچ جۆرێک ئەمە قبوڵ ناکەین، ئەمە هۆشمەندی هەڵوێستێکە، ئێمە وەک تەڤگەری ئاپۆیی ئەمە قبوڵ ناکەین و لە بەرانبەرییدا بێدەنگ نابین، پێویستە بزانرێت گەر ئەم نزیکایەتییە لە دژی خەڵکی کەمپەکە درێژەی هەبێت، ئەوا ناچارین جارێکی دیکە دەستەوەردانی تێیدا بکەین و گەریلا بنێرینەوە مەخموور."
521 جار خوێندراوەتەوە