شوان هەورامی، نوسەر و رۆژنامەنوس و رۆشنبیری
دیاری ئیسلامی لە تەمەنی (58) ساڵیدا كۆچی دوایی كرد.
دوانیوەڕۆی ئەمڕۆ هەینی، عەبدولڕەحمان
كاكەوەیس ناسراو بە شوان هەورامی، نوسەر و رۆژنامەنوس و رۆشنبیری دیاری ئیسلامی لە
نەخۆشخانەی هیوا لە شاری سلێمانی كۆچی دوایی كرد، دوای نوێژكردن لەسەر تەرمەكەی بەرەو
شاری هەڵەبجە بەڕێخرا و بڕیار وایە لەوێ لە بەخاكی بسپێرن.
شوان هەورامی لەدایكبوی ساڵی (1976)ـی
شاری هەڵەبجەیە و لە هەشتاكانی سەدەی ڕابردوەوە ناوێكی دیاری بواری رۆژنامەنوسی و رۆشنبیریی
بزاڤی ئیسلامی بوە، لە نەوەدەكاندا سەرنوسەری ڕۆژنامەی فەرمیی بزوتنەوەی ئیسلامیی
پێشو بوە و ماوەیەكیش ئەندامی سەركردایەتی ئەو حزبە بوە.
شوان هەورامی نوسەر و وەرگێڕ بوە،
قەڵەمێكی دیاری سیاسی بوە و خاوەنی چەند بەرهەمێكی چاپكراوە، یەكەم بەرهەمیشی لە
ساڵی (1983) چاپ كردوە بەناوی (سۆراغی ژیان) كە كتێبێكی شیعری بوە.
153 جار خوێندراوەتەوە