وەزیری دەرەوەی ئێران رایگەیاند: بە توندی سەرکۆنەی وتەکانی سەرۆکی ئەمریکا لە بەرامبەر ڕێبەی باڵای ئێران دەکەن دەشڵێت: دەبێت سەرۆکی ئەمریکا کۆتایی بە لێدوانە نابەجێکانی بهێنێت لەبەرامبەر گەل و ڕێبەری ئێران.

هەواڵ:KNNC

عەباس عێراقچی – وەزیری دەرەوەی ئێران لە تۆڕی کۆمەڵایەتی X نوسیویەتی: ئەگەر سەرۆکی ئەمریکا جدییە لەسەر گەیشتن بە رێککەوتن، ئەوا پێویستە وتە ناپەسەندەکانى لە بەرامبەر عەلی خامنەیی – ڕێبەری ئێران کۆتایی پێبهێنێت و واز لە ئازاردانی ملیۆنان لایەنگری بهێنێت.

عێراقچی باسی لەوەش کردوە: گەلی ئێران، هەڕەشە و کەمکردنەوە پەسەند ناکات، چونکە نیازپاکی، نیازپاکی بەرهەم دەهێنێت و ڕێزگرتنیش، ڕێزگرتن دەهێنێتە کایەوە.

دواى ئەوەى، عەلی خامنەیی – ڕێبەری باڵای کۆماری ئیسلامیی ئێران، لە وتارێكدا سەرکەوتنی شەڕی 12 ڕۆژەی بەسەر ئیسرایل ڕاگەیاند، دۆناڵد ترەمپ سەرۆکی ئەمریکا، لە پەیامێكدا بە توندی ڕەخنەی لێ گرت.