دۆناڵد ترەمپ رایگەیاند، رەنگە رۆژهەڵاتی ناوەڕاست ببێتە شوێنێکی مەترسیدار، هۆکاری کشانەوەی دیپلۆماتکارە ئەمەریکییەکانیش ئاشکرادەکات.

هەواڵ:KNNC

دۆناڵد ترەمپ-ـی سەرۆکی ئەمەریکا، ئەمڕۆ پێنجشەممە لەبارەی کارەکانی ئەمەریکا و چۆڵکردنی باڵیۆزخانە و نوێنەرایەتییە دیپلۆماسییەکان لە رۆژهەڵاتی ناوەڕاست رایگەیاند، "دەکرێت ناوچەکە ببێتە شوێنێکی مەترسیدار، بۆیە ئاگاداریمان پێداون کە بڕۆن".

درەنگانی شەوی رابرد، میدیا جیهانییەکان بڵاویانکردەوە وەزارەتی دەرەوە و بەرگری ئەمەریکا، ئاگاداری کارمەندانی ناپێویستیان کردوە لە سەرتاسەری رۆژهەڵاتی ناوەڕاست و بەدیاریکراوی عێراق، بەزوترین کات شوێنەکانیان بەجێبهێڵن.

هاوکات، وەزارەتی دەرەوەی ئەمەریکا داوای لە هاوڵاتییانی وڵاتەکە کرد، بە هیچ شێوەیەک نە لەرێگەی فڕۆکەخانەی بەغدادەوە گەشت بکەن و نە لەو وڵاتە بمێننەوە.