ئەنجومەنی باڵای ئاسایشی نیشتمانی ئێران رایگەیاند، بەدەستڕاگەیشتن بە کۆمەڵێک بەڵگەنامەی گرنگ و پەیوەندیدار دە دامەزراوە گرنگەکانی ئیسرائیل، دەتوانن بە خێرایی وەڵامی هەر هێرشێک بدەنەوە کە لەلایەن ئیسرائیلەوە بکرێتە سەریان.

هەواڵ:KNNC

ئەنجومەنی باڵای ئاسایشی نیشتمانیی ئێران لە راگەیەنراوێکدا بڵاوی کردەوە، دوای دەستڕاگەیشتنیان بە کۆمەڵێک بەڵگەنامەی گرنگ و پەیوەندیدار بە دامەزراوە گرنگەکانی ئیسرائیل، دەتوانن هێرش بکەنە سەر دامەزراوە ئەتۆمییە نهێنییەکانی ئیسرائیل.

ئەنجومەنەکە هۆشدارییش دەدات لەوەی، ئەگەر ئیسرائیل هێرش بکاتە سەر دامەزراوە ئەتۆمییەکانیان، ئەوا بە خێرایی وەڵامیان دەبێت و هێرش دەکەنە سەر دامەزراوە نهێنییە ئەتۆمییەکانی ئەوان.

 هەڕەشەى ئەوەشیکردوە، هەر هێرشێک بکرێتە سەر ژێرخانە ئابوریی و سەربازییەکانیان، ڕێک بە هەمان قەبارەی هێرشەکە وەڵامیان دەبێت.

ئەوەش لە کاتێکدایە، پێشتر دەستەی ڕادیۆ و تەلەڤیزیۆنی ئێران بە پشتبەستن بە سەرچاوە ئاگادارەکان بڵاوی کردەوە، دەزگای هەواڵگریی ئێران، هەزاران بەڵگەنامەی ستراتیژیی زۆر نهێنی و هەستیاری پەیوەست بە پرۆژە و دامەزراوە ئەتۆمییەکانی ئیسرائیل، دەست کەوتوە و تا ئێستا ئیسرائیل لەو بارەیەوە بێدەنگىیی هەڵبژاردوە.