جارێکى تر نرخى زێڕ لە بازاڕەکانى جیهان دابەزى و گەشبینى بە دانوستانەکانى ئەمریکا و چین لە لەندەن، بە هۆکارى دابەزینی کانزا زەردەکە دادەنرێت.

ئابوری:KNNC

ئەمڕۆ جارێکى تر لە کاتی کردنەوەی بازاڕەکاندا، نرخی زێر دابەزی، ، نرخی ئۆنسەیەکی بە رێژەی 0.5٪  دابەزی و نرخەکەی بوە سێ هەزار و 318 دۆلار .

بەپێی پێنوێنەکانى بازاڕى زێڕ، نرخی هەر ئۆنسەیەک لە کانزا زەردەکە لە گرێبەستەکانی داهاتودا، بە سێ هەزار و 330دۆلار مامەڵەی پێوە کرا.

بازرگانان چاوەڕێی ئەنجامی دانوستاندنەکانی نێوان چین و ئەمریکان لەسەر کێشە بازرگانییەکانیان، ئەمەش وای کردوە، ناجێگیریەکی زۆر لە نرخی زێڕدا دروست ببێت، هەروەک شرۆڤەکاران پێیان وایە، ئەگەر دانوستاندنەکان ئەنجامی ئەرێنییان لێ بکەوێتەوە و ئەمریکا و چین لەسەر بازنەیەکی بەرفراوانی کاروباری بازرگانی نێوانیان رێک بکەون، نرخی زێڕ زیاتر دادەبەزێت..