لە بەسرە نزیکەی 30 کەس بەتۆمەتی گۆڕینەوەی هاوسەران دەستگیرکران و بەرپرسێکی فەرمانگەی مافی مرۆڤی شارەکەش هۆکارەکەی بۆ کەلێنی ئایینی و یاسایی دەگەڕێنێتەوە و داوای ڕێوشوێنی بەپەلەی یاسایی دەکات.

هەواڵ:KNNC

مەهدی تەمیمی، بەرپرسی فەرمانگەی مافی مرۆڤی بەسڕە ڕایگەیاند: زیاتر لە 27 کەسیان دەستگیرکردوە، کە هەستاون بە ئەنجامدانی ئاڵوگۆڕکردنی هاوسەرەکانیان.

ڕونیشیکردوەتەوە، لەنێو دەستگیرکراوەکاندا ژن و پیاو هەبون کە هاوسەری یەکدیبون و بەشێکیان خەڵکی بەسرە نین، بەڵکو شارەکەیان بۆ ئەو کارە و پەرەسەندنی هەڵبژاردوە.

ئەو کاربەدەستەی فەرمانگەی مافی مرۆڤ وتوشییەتی، کارەکە دەچێتە خانەی هاوڕەگەزخوازیی و لەشفرۆشییەوە، هۆشدارییشی داوە لە پەرەسەندنی خێرای حاڵەتەکە لە کەلێنی ئایینی و یاساییدا و داوای کردوە هەرچی زوە ڕێکاریی بەپەلە و یاسایی بگیرێتە بەر بۆ بەرگرتن بەو کارە دور لە بەها ڕەوشتییەکانی کۆمەڵگەی عێراقیی.