ئەمڕۆ 45 ڕۆژ بەسەر دابەشکردنی موچەی مانگى سێی موچەخۆرانی هەرێمی کوردستان تێدەپەڕێت و KNN بەدواداچونی بۆ گرفتەکە کردوە، حکومەتی هەرێمی کوردستان دەڵێت: ئامادەن بۆ بەدواداچون و چارەسەرکردنی دۆخی موچە شاندێك بنێرنە بەغداد.

هەواڵ:KNNC

سەرچاوەیەك لە حکومەتی هەرێمی کوردستان بە KNN ـی راگەیاند: تا ئێستا بەغداد لە بارەی گرفتەکانی بەردەم موچەی مانگی نیسانی موچەخۆرانی هەرێمی کوردستان بە فەرمی، ئاگاداری نەکردونەتەوە.

ئاماژەی بەوەشکرد: ئەگەر بەغداد بڕی پارەی موچەی مانگی نیسان کەمتر خەرج بکات بە بەراورد بە مانگەکانی پێشوو، ئەوا هەڵوێستیان دەبێت.

دەشڵێت: ئەگەر بەغداد تێبینی هەبێت لەبارەی کەمی ڕادەستکردنی داهاتی ناوخۆ، ئەوا ئامادەن ڕونکردنەوە بدەن.

سەرچاوەکەى KNN راشیگەیاند: ئەگەر پێویستی کرد، بەمەبەستی گفتوگۆکردن و تاوتوێکردنی گرفتەکانی بەردەم موچە، شاندێک دەنێرنە بەغداد.