سەرباری ئەوەی كە سەرۆكی ئەمەریكا ئاگربەستی نێوان هندستان و پاسكانی راگەیاند، بەڵام نیودەلهی؛ ئیسلام ئاباد بەپێشێلكردنی ئاگر بەست تۆمەتبار دەكات.


هەواڵ: (KNNC)


میدیا ناوخۆییەكانی هندستان بڵاویانكردەوە؛ سەرباری ئەوەی هندستان و پاكستان لەسەر ئاگربەست و دەستبەجێ  راگرتنی جەنگ رێككەوتن و دۆناڵد ترەمپ، سەرۆكی ئەمەریكا نێودەنگیری لەنێوان هەردو وڵاتدا كرد، بەڵام ئیسلام ئاباد پێشێلكاری ئاگربەستەكەیان كرد.

ئاژانسی رۆیتەرز ئاشكرایكرد، دەنگی تەقینەوەکان لەنێوان پاكستان و هندستان بیستراوە و شایەتحاڵەكانیش بە ئاژەانسەكەیان وتوە؛ موشەكەكانیان بینیوە ك ئاڕاستەی كشمیر (ناوچەی كێشە لەسەر)ـی نێوان هەردو وڵات كراوە.

ئاژانس فرانس پرێس لەسەر زرای بەرپرسێكی هندستانەوە رایگەیاندوە: دەنگی تەقینەوەكان لە ناوچەی سریناگارەوە هاتون و جەختی كردوەتەوە كە پاکستان رێککەوتنی ئاگربەستی پێشێل کردوە.

هاوکات بەرپرسێکی پاکستانیش لە كشمیر بە ئاژانسەكەی وتوە: بەدرێژایی هێڵی کۆنترۆڵ جەنگ و پێکدادانەکانی نێوان هندستان  و پاكستان بەردەوامە و جەختی كردوەتەوە كە هێرشەکانی فڕۆکە بێفڕۆکەوان شارەکەیان بەئامانج گرتوە.