هەزاران زیندانی فەڵەستینی لە زیندانەکانی ئیسرائیل ڕوبەڕوی مردن دەبنەوە، سەرۆکی یانەی زیندانیانی فەڵەستینیش دەڵێت: کەمپەکانی ئیسرائیل بونەتە شوێنی ئەشکنجەدانی فەڵەستینییەکان.

هەواڵ:KNNC

عەبدوڵڵا زاغری سەرۆکی یانەی زیندانیانی فەلەستین وتی: چەندین بەڵگەیان لەلایە کە ئەو زیندانیانەی لای ئیسرائیل بون و ئێستا ئازادکراون بە ئاستێکی بێ وێنە ئەشکەنجەدراون و روبەڕوی برسێتی، تاوانە پزیشکییەکان و دەستدرێژی سێکسیی بونەتەوە.

راشیگەیاند، ئێستا هەزاران زیندانی ڕوبەڕوی مردنی هێواش بونەتەوە بەهۆی ئەو تاوانەی کە لە زیندانەکانی ئیسرائیل بەرامبەریان ئەنجام دەدرێت، زیندانییەکان لەڕوی جەستەیی و دەرونییەوە دەکرێنە ئامانج.

سەرۆکی یانەی زیندانیانی فەڵەستین وتیشی: کەمپەکانی ئیسرائیل بونەتە گۆرەپانی ئەشکەنجەدانی فەڵەستینییەکان، داواشی لە مافی مرۆڤی نێودەوڵەتی کرد رۆڵی خۆی بگێڕیت و بەرامبەر پێشێلکارییەکانی ئیسرائیل بوەستێتەوە.