سەرۆکوەزیرانی ئیسرائیل، هێرشی توندی کردەسەر قەتەر و رایگەیاند، کاتی ئەوە هاتوە واز لە یاریکردن بهێنێت، لەبەرامبەردا قەتەر قسەکانی سەرۆکوەزیرانی ئیسرائیلی رەتکردەوە و بە نابەرپرسیارانە وەسفی کرد.

هەواڵ:KNNC

بنیامین ناتانیاهۆ، سەرۆکوەزیرانی ئیسرائیل لە پۆستێکیدا لە تۆڕی کۆمەڵایەتی X هێرشی توندی کردەسەر قەتەر و بە پشتگوێخستنی رۆڵی نێوەندگیری لە ئاگربەست لە کەرتی غەززە وەسفی کردوە و نوسیویەتی، " قسەکانی قەتەر دوو دیوی هەیە".

دەشڵێت: کاتی ئەوە هاتوە قەتەر بڕیاربدات ئایا لایەنی شارستانییەتە یان لەگەڵ حەمماس دەوەستێت، چاوپۆشی لە رۆڵی دەوحە دەکەین بەهۆی ئەوەی لە دوو ئاگربەستی پێشو و ئاسانکاری بۆ ئازادکردنی زیندانییەکان لە هەردولا و گەیاندنی هاوکارییە مرۆییەکان بۆ کەرتی گەمارۆدراوی غەززە.

جەختیشیکردەوە، "ئیسرائیل بە ڕێگەیەکی دادپەروەرانە ئەم شەڕە دەباتەوە".

لەبەرامەبەردا، وەزارەتی دەرەوەی قەتەر لێدوانەکانی سەرۆکوەزیرانی ئیسرائیلی رەتکردەوە بە "کەمترین ئاستی بەرپرسیارییەتی سیاسی و ئەخلاقی وەسفی کرد".