لەمیانی بەشداریکردن لە نۆیەمین دیداری سلێمانی، سەرۆکوەزیرانی عێراق رایگەیاند، عێراق ئابورییەکی بەهێز و هەمەچەشنی هەیە، لە رابردو سیستمێکی ئابوری خراپ لە وڵاتەکە پەیڕەوکراوە.

کورتەیەک لە قسەکانی محەمەد شیاع سودانی:

 
-شانازی بە دەستکەوتەکانی سلێمانییەوە دەکەین

- لەگەڵ هەرێمی کوردستان دەتوانین بەسەر گرفتە سیاسییەکان زاڵ بین

-شانازی بە دۆخی ئێستای عێراقەوە دەکەین و بێوچان کاردەکەین بۆ پێشخستنی وڵاتەکە

-بۆیەکەمجارە پەیوەندیی نێوان هەولێر و بەغداد دەگۆڕێت بۆ پەیوەندییەکی یاسایی و هونەری

-چاکسازی زۆرمان لەسەرجەم کەرتەکان کردوە، بەتایبەت کەرتی بانکی

-رێژەی وەستانی سووتانی غاز 70%)ی تێپەڕاندووە. 

-ژێرخانی ئابوری عێراقمان بوژاندوەتەوە

-دەمانەوێت کۆمپانیا بیانییەکان بهێنینە عێراق و وەبەرهێنان بکەین

-لە رابردو سیستمێکی ئابوری خراپ لە عێراق پەیڕەوکراوە

-داهاتی گومرگیمان بەشێوەیەکی بەرچاو زیادکردوە

- کاردەکەین بۆ بەرەنگاربونەوەی ئاڵنگاریی گۆڕانکاری کەشوهەوا

-نامانەوێت تەنها پشت بە داهاتی نەوت ببەستین

-عێراقمان لە ململانێکانی ناوچەکە دورخستوەتەوە

-هێزەکانی حەشدی شەعبی بە یاسا رێکدەخەینەوە

- عێراقییەکان متمانەیان بە دەسەڵات نەماوە

- بە دڵنیاییەوە بۆ هەڵبژاردنەکانی مانگی 11 خۆم کاندید دەکەمەوە

- هەمو پێداویستییەکانی هەڵبژاردن ئامادەن و بەتەواوی خۆمان ئامادە دەکەین بۆئەوەی لەوادەی دیاریکراو ئەنجامبدرێت