جێگرێکی سەرۆکی ئێران دەڵێت: جێبەجێکردنی یاسای حیجاب لە ئێران راگیراوە، جەختیش دەکاتەوە لەوەی حکومەتى وڵاتەکەى بە ئاراستەیەکیى دروستدا هەنگاو دەنێت.

هەواڵ:KNNC

محەممەد جەواد زەریف، جێگری سەرۆککۆماری ئێران بۆ کاروبارى پەیوەندییە ستراتیژییەکان، لە میانی بەشداریکردنی لە کۆڕبەندی ئابوری جیهانی لە داڤۆس رایگەیاند: لە ئێستادا ئەگەر سەردانی شەقامەکانی تاران بکەن، دەبینن کە ژنانێکی زۆر یاسای باڵاپۆشی جێبەجێ ناکەن.

وتیشی: ئەمە بەپێچەوانەی یاسایە، بەڵام حکومەت بڕیاری داوە ژنان نەخاتە ژێر فشارەوە.

ئاماژەی بەوەشکرد، مەسعود پزیشکیان سەرۆککۆمار، بە رەزامەندی سەرۆکی پەرلەمان و سەرۆکی دەسەڵاتی دادوەری و کەسانی دیکە لە ئەنجومەنی ئاسایشی نیشتمانی یاسای باڵاپۆشی جێبەجێ نەکردوە.

زەریف لە درێژەی قسەکانیدا وتیشی: حکومەت بە ئاراستەیەکی دروستدا دەڕوات، ئەوەش ئاراستەکە دروستە و هیوابەخشە بۆ داهاتو.