فڕۆکە جەنگییەکانی ئەمەریکا پێگەی چەکدارانی نزیک لە ئێرانیان لە سنوری نێوان عێراق و سوریا بۆردومان کرد، بەپێی ئامارەکانی روانگەی سورییش زیاتر لە 5 پاسەوانی کۆماریی سوریا لە هێرشەکەدا کوژراون.

هەواڵ:KNNC

روانگەی سوری بۆ مافەکانی مرۆڤ رایگەیاند: فڕۆکە جەنگییەکانی ئەمریکا ناوچەکانی جەلائـ و غوبڕە و سەیال و حەسرات و پشتێنەی سەوزی نزیک بنکەی ئەلبوکەمالیان لە سنوری نێوان عێراق و سوریا بۆردومان کردوە، کە چەکدارە شیعییەکانی نزیک لە ئێرانیان تێدایە، بەڵام هیچ زانیارییەک لەبارەی ئاماری کوژراو و بریندارەکان نییە.

ئاماژەى بەوەشداوە، لە بۆردومانی فڕۆکە جەنگییەکانی ئەمریکادا بۆسەر دەوروبەرى فڕۆکەخانەى دێرەزور شەش ئەندامى هێزەکانى گاردى کۆماریی سوریا کوژراون.

لەلایەکی دیکەوە فەرماندەی ناوەندی ئەمریکا (سێنکتۆم) رایگەیاند: ژمارەیەک سەکۆی هەڵدانی موشەک زرێپۆش و تانکی تی 64، یان لە نزیک ڕوبارى فوڕات لە سوریا لەناوبردوە.

جەختیشکردوەتەوە، لەوەى بەردەوام دەبن لە پاڵپشتیکردنی هاوپەیمانەکانیان بۆ لەناوبردنی داعش، بەڵام هیچ  پەیوەندییەکیان بە ئاڵۆزییەکانی سوریاوە نییە.