جۆ بایدن، سەرۆكی ئەمەریكا كاتژمێر (10:00)ـی ئەمشەو ئاگر بەست لە لوبنان رادەگەیەنێت.

هەواڵ: (KNNC)

لەسەر زاری چەند بەرپرسێكی وڵاتەكەی، کەناڵی (12)ـی ئیسرائیل بڵاویكردەوە؛ دوای ئەوەی لەلایەن جۆبایدن، سەرۆكی ئەمەریكاوە رادەگەیەندرێت، چاوەڕوان دەكرێت لە كاتژمێر (10:00)ـی ئەمشەوەوە ئاگر بەست لەنێوان ئیسرائیل و لوبنان بچێتە بواری جێبەجێ كردنەوە.

پێشتر، کەناڵی جەدیدی لوبنانی ئاشكرایكردبو، لە دوای کاتژمێر (10:00)ـی شەو بە کاتی لوبنان، بەیاننامەیەکی هاوبەشی ئەمەریکا و فەرەنسی لەسەر رێککەوتنی ئاگربەست بڵاودەکرێتەوە، هاوكات چاوەڕوان دەکرێت نەجیب میقاتی، سەرۆک وەزیران بەیاننامەیەک دەربکات و پێشوازی لە ناوەڕۆکی بەیاننامەی ئاگربەستی ئەمریکا و فەرەنسا بکات.


سەرەرای هەوڵەکان بۆ راگەیاندنی ئاگربەست لە لوبنان، هێرشەکانی ئیسرائیل بۆ سەر ئەو وڵاتە رانەوەستاوە و سوپای ئیسرائیل ئاشکرای کردوە ئەمرۆ سێشەممە (20) ئامانجیان لە بەیروت بۆردومان کردوە.