لە کۆبوونەوەی ئەمڕۆی حکومەتدا، نەتەنیاهۆ بۆ یەکەمجار دانی بە بەرپرسیارێتی ئۆپەراسیۆنەکانی تەقاندنەوەی پەیجەرەکان و کوشتنی حەسەن نەسروڵا دا ناوە؛ جەختی کردوەتەوە بە بریاری خۆی ئەنجامدراون.

هەواڵ: KNNC

ئەمڕۆ یەکشەممە، لە کۆبونەوەی ئاسایی هەفتانەی حکومەتەکەیدا، بنیامین نەتەنیاهۆ ڕایگەیاندوە، کە ئۆپەراسیۆنی تەقینەوەی پەیجەر و ئامێرە بێ وایەرەکانی گروپی حزبوڵای لوبنان سەرەڕای دژایەتی "بەرپرسانی باڵای ئەمنی وڵاتەکەی" ئەنجامدراوە.

ئەم قسانەی  نەتەنیاهۆ دوای نزیکەی  دو مانگ، لە   بێدەنگی دێت لەبارەی روداوەکەوە و  رایگەیاندوە کە بە بڕیاری  ڕاستەوخۆی خودی خۆی و بە بێ گەڕانەوە بۆ بەرپرسە ئەمنییەکانی وڵاتەکەی، ئۆپراسیۆنەکان بەڕێوەچون.

سەرۆکی ئیسرائیل لەبارەی ئۆپراسیۆنەکانی دیکەوە،  وتویەتی  هەریەک لە تیرۆرکردنی حەسەن نەسروڵڵا و چونە ناو شاری ڕەفەح بە هەمانشێوەی  تەقینەوەی پەیجەرەکان، خۆی بڕیاردەری سەرەکی بوە، سەرەڕای دژایەتیی کردنی لەلایەن، بەرپرسانی باڵای دامودەزگا ئەمنییەکان و بەشێک لە وەزیرانی حکومەتەکەیەوە.

رۆژی سێشەمە  15ی 9، بە نزیکەیی  کاتژمێر (3:30) دوانیوەڕۆ، لە روداوێکی دەگمەن و پێشهاتێکی نوێدا زنجیرەیەک تەقینەوە لە پەیجەرەکانی حیزبوڵای لوبنان رویداو و بەهۆیەوە دەیان کەس کوژران و زیاتر لە دو هەزاری تریش بریندار بون، روداوەکە هەر زو کاردانەوەی ناوخۆی، هەرێمی و نێودەوڵەتیشی لێکەوتەوە و گەرجێ راستەوخۆ ئیسرائیل تۆمەتبار کرا، بەڵام  ئیسرائیل بە هیچ جۆرێک راستەوخۆ دانی بەوەدا نەنا کە ئەو لە پشت روداوەکەوەیە.