عێراق یاداشتێکی ناڕەزایەتی پێشکەشی نەتەوەیەکگرتوەکان
کردوە و نیگەرانی خۆی دەربڕیوە لە پێشێلکردنی ئاسمانی وڵاتەکە لەلایەن فرۆکەکانی
ئیسرائیلەوە.
هەواڵ:KNNC
باسم عەوادی وتەبێژی
حکومەتی عێراق راگەیاند، بە فەرمی یاداشتێکی ناڕەزایەتییان پێشکەشی سکرتێری گشتی
نەتەوەیەکگرتوەکان و ئەنجومەنی ئاسایشی نەتەوەیەکگرتوەکان کردوە، سەبارەت بە
پێشێلکردنی ئاسمانی عێراق و بەکارهێنانی لەلایەن فڕۆکە جەنگییەکانی ئیسرائیلەوە.
عەوادی دەڵێت: عێراق
نیگەرانە لەوەی فڕۆکە ئیسرائیلییەکان ئاسمانی عێراقیان بەکارهێناوە بۆ ئەنجامدانی
هێرشەکەی سەر ئێران کە لە 26ـی ئەم مانگە ئەنجامیدا.
ئاماژەی بەوەشکردوە،
محەمەد شیاع سودانی سەرۆکوەزیرانی عێراق داوای لە وەزارەتی دەرەوەی وڵاتەکە کردوە
نیگەرانییەکانیان بگەیەنێتە ئەمەریکا، سەبارەت بەو پێشێلکارییانەی ئیسرائیل و داواش
لە ئەمەریکا بکات پابەندبێت بە رێککەوتنی ستراتیژی سەبارە بە ئاسایش و سەروەری
عێراق.
وتەبێژی حکومەتی عێراق
راشیگەیاند، وڵاتەکەی بە پەرۆشە بۆ پەیڕەوکردنی سیاسەتی پاراستنی سەقامگیری ناوچەکە
و رێگریکردن لەهەر پێشێلکارییەک و چارەسەرکردنی کێشەکان لەرێگەی دیالۆگ و لێکتێگەیشتنی
هاوبەشەوە.
504 جار خوێندراوەتەوە