بەمەبەستی وەرگرتنی چارەسەر، لەمانگی ئابدا، لەهەر )24( کاتژمێرێكدا هەزار و (200) چارەخواز نەخۆشخانەی شاریان کردوە، هەر لەو ماوەیشەدا (50) نەشتەرگەری ئەنجامدراوە.

هەواڵ: (KNNC)


بەرێوبەرایەتی گشتی تەندروستی سلێمانی بڵاویكردەوە؛ لە مانگی رابردو (36) هەزار و (287) نەخۆش سەردانی نەخۆشخانەی شاریان كردوە،  لەو ژمارەیە (27) هەزار و (847) كەسیان سەردانی بەشی فریاكەوتن، حەوت هەزار و (328) كەسی دیكەیان سەردانی بەشی ئۆپی دی، هەزار و (35) كەس سەردانی بەشی گورچیلەی دەستكردی نەخۆشخانەكەیان كردوە و چارەسەری پێویستیان بۆ كراوە.


ئاماژەی بۆ ئەوەشكردوە لە (1 بۆ 31ـی ئابی 2024) حەزت هەزار و (300) نەخۆش داخڵی نەخۆشخانەی شار كراون كە لەو ژمارەیە دو هەزار و (370) نەخۆشیان لەبەشی فریاكەوتن، هەزار و نۆ كەس لە بەشی گورچیلەی دەستكرد، هەزار و (154) نەخۆش لەبەشی نەشتەرگەری، حەوت سەد و (81) نەخۆش لەبەشی هەناوی و شەش سەد و (69) نەخۆشی دیكە لەبەشی شكاوی داخڵی نەخۆشخانەكە بون.


تەندروستی سلێمانی راشیگەیاندوە: لەو ماوەیەدا و لە نەخۆشخانەی شار هەزار و (622) نەشتەرگەری جۆراوجۆر، (119) نەشتەرگەری قەستەرە، (86) نەشتەرگەری شەبەكە و باڵۆن و (111) نەشتەگەری بۆ منداڵان ئەنجام دراوە لەگەڵ ئەنجامدانی (95) هەزار و (454) شیكاری تاقیگەیی، دو هەزار و (136) هێڵكاری دڵ، شەش هەزار و (928) تیشك، حەوت هەزار و (228) سۆنەر چوار سەد و (65) ئیكۆ و حەوت سەد و (99) چارەسەری دیكە بیشێكەس بە چارەخوازان پیشكەش كراوە.