لەسەر هێرش و لەشكركێشییەكانی توركیا بۆ سەر هەرێم، ئەندامێكی ئەنجومەنی نوێنەرانی عێراق رەخنە لە وەزارەتی دەرەوەی عیراق و حكومەتی هەرێم دەگرێت و دەڵێت: لەلایەن دەسەڵاتدارانی هەرێمەوە ئاسانكارییان بۆ كراوە.

هەواڵ: (KNNC)

موختار موسەوی ئەندامی ئەنجومەنی نوێنەرانی عێراق رایگەیاند: بۆ ئەنجامدانی لەشكركێشییەكانی، توركیا لەلایەن هەرێمی كوردستانەوە ئاسانكاری بۆ كراوە، ئێستاش دەسەڵاتدارانی وەزارەتی دەرەوەی عێراق و هەرێم لە ئاستی بەرپرسیارێتیدا نین و ناتوانن وەڵامی هێرش و لەشكركێشییەكانی ئەو وڵاتە بدەنەوە.

وتیشی: بۆ رێگری كردن و بەپەرچدانەوەی هێرش و لەشكركێشییەكانی توركیا، هیچ جموجۆڵێکی سەربازی لەلایەن پێشمەرگەوە نەكراوە، بۆیە دەبێت ئیرادەیەکی راستەقینە هەبێت بۆ رێگریکردن لە هەر پێشێلکارییەک كە دەكرێتە سەرخاكی عێراق.

ئەندامەكەی ئەنجومەنی نوێنەرانی عێراق داوای كرد كە، پێداچونەوە و بەڕێککەوتنە ئەمنییەکەی نێوان عێراق و تورکیادا بكرێت، دەبێت حكومەت سیاسەتی نوێ بەرامبەر بە توركیا بگرێتەبەر و لەوە زیاتر سیاسیەتی لاوازی بەرامبەر بەتوركیا جێبەجێ نەكات.

ئەندامەكەی ئەنجومەنی نوێنەرانی عێراق ئاماژەی بۆ ئەوەشكرد، پێویستە پێویستە تورکیا لە ناوخۆی عێراقدا، بە کارەکانیدا بچێتەوە،  چونکە لە هێرشەكان و لەشكر كێشییەكانی بۆ سەرخاكی عێراق، سوپاكەی زۆر دور کەوتوەتەو  كە بەشێوەیەكی بەردەوام لە سنوری نێوان عێراق – توركیا ئەنجامی دەدات.