دۆناڵد ترەمپ گاڵتە بە کامالا هاریس دەکات و تۆمەتبارى دەکات بەوەى بە زیرەکى دەستکرد لایەنگرێکى زۆرى بۆ وێنەیەکى زیادکردوە لەکاتێکدا لە راستیدا هیچ کەسێک لەوێ نەبوە بۆ پێشوازیکردنى، دەڵێت: دیموکراتەکان ئاوا بەتەمان هەڵبژاردن ببنەوە، بە گزیکردن؟.


هەواڵ:KNNC

 

دواى بڵاوبونەوەى وێنەى کامالا هاریس لە فڕۆکەخانە لەکاتى سەردانیکردنى شارى دیترۆیتى ئەمەریکا، دۆناڵد ترەمپ، کاندیدى کۆمارییەکان بۆ پۆستى سەرۆکایەتیی ئەمەریکا لە تۆڕى کۆمەڵایەتیی تروس نوسى:"ئەرێ کەس هەستى پێنەکردوە کە کامالا گزى کردوە لەوێنەکەى لە فڕۆکەخانە".

 

نوسیویەتى:" هیچ کەسێک لە فڕۆکەخانە نەبو، بەڵام هاریس زیرەکى دەستکردى بەکارهێناوە و جەماوەرێکى زەبەلاحى دروستکردوە کە پێیاندەڵێت لایەنگر، بەڵام ئەوان بونیان نییە.

 

ترەمپ ئەوەى ئاشکرا کردوە کە راستییەکان لەلایەن کارمەندێکى فڕۆکەخانەوە ئاشکرا کراوە چونکە لەکاتى نیشتنەوەى فڕۆکەکەى هاریس لەوێ بوە و هیچ لایەنگرێکى نەدیوە لەوێبن، دواتر کە ئەم راستییە ئاشکرابو، تەماشاى وێنەدانەوەى فڕۆکەکەیان کردوە و بینیویانە هەر بەڕاست کەس لەوێ نەبوە.

 

ترەمپ لە زمانێکى گاڵتەجاڕانەوە نوسیویشیەتى:" ئەمە ئەو ڕێگایەیە کە دیموکراتەکان بە نیازن هەڵبژاردنەکانى پێ ببەنەوە؟ بە گزیکردن".

 

دەشڵێت: ئەوەى هاریس کردویەتى دەستوەردانە لە هەڵبژاردن و هەرکەسیش ئەو فێڵە بکات، فێڵ لە هەمو شتێکى دیکەیش دەکات.

254 جار خوێندراوەتەوە