هەرێمی کوردستان؛ تەنها لە 24 کاتژمێری ڕابردودا 16 کەس بون بە قوربانی روداوەکانی هاتوچۆ

لە چەند ناوچەیەکی هەرێمی کوردسان و لە چوار روداوی هاتوچۆدا کەسێک گیانی لەدەست دا و 15 کەسی دیکەش بریندار بون

هەواڵ : KNNC

دوای نیوەڕۆی ئەمڕۆ لەسەر ڕێگای پێنجوێن - سەیدسادق لە ملەی نەڵمە ئۆتۆمبێلێک کە ژن و پیاوێکی تێدا بوە وەرگەڕا و لە ئەنجامدا ژنەکە گیانی لەدەستداوە و هاوسەرەکەشی بریندارە

لە دو روداوی جیادا لە سنوری قەزای چەمچەماڵ هەشت کەس برینداربون، لە روداوی یەکەمدا کە بە هۆی وەرگەڕانی ئۆتۆمبێلەوە بوە لەسەر ڕێگەی چەمچەماڵ – تەکییە پێنج کەس بریندار بون، لەم روداوەشدا  سێ کەس بریندار بون و بەهۆی سەختی برینەکەیانەوە دوان لە بریندارەکان ڕەوانەی سلێمانی کراون، شوێنی روداوی دوەم ڕێگەی چەمچەماڵ سەنگاو بوە.



هەر ئەمڕۆ بەڕێوەبەرایەتی هاتوچۆی گەرمیانیش بڵاویکردوەتەوە لە روداوێکی هاتوچۆدا لە سەر ڕێگای کەلار - خانەقین ئۆتۆمبێلێک خۆی بەستونێکی کارەبادا کێشاوە و شۆفێرەکەی بە سەختی بریندار بوە.

 ئەمە لەکاتێكدایە شەوی رابردو بەهۆی پێکدادانی دو ئۆتۆمبێل لە قەزای سۆران پێنج کەسی دیکە بریندار بون