چوار هەزار هەڵگرى بڕوانامەى ماستەر دادەمەزرێن

KNN : Kurdish News Network
05:40 - 20/07/2024
عێراق
+
-

چوار هەزار كەس له‌ هه‌ڵگرانی بڕوانامه‌ی ماسته‌ر له‌ وه‌زاره‌تی خوێندنی باڵا و توێژینه‌وه‌ی زانستی دادەمەزرێن و ئه‌م هه‌فته‌یه‌ لیستی ناوی دامه‌زراوه‌كان ره‌وانه‌ی وه‌زاره‌تەكە ده‌كرێت.

 

هەواڵ: (KNNC)


میدیا عێراقییەكان بڵاویانكردەوە، دوای دانیشتنی ژمارە (17)ـی ئەنجومەنەكە و بەپێی یاسای ژمارە (59ـی ساڵی 2017) ئه‌نجومه‌نی خزمه‌تی گشتیی فیدڕاڵی له‌ عێراق بریاری دامه‌رزاندنی بۆ (4000) خاوه‌ن بروانامەی ماستەر دەركردوە كە داوایانكردوه‌ له‌سه‌ر میلاكی وه‌زاره‌تی خوێندنی باڵا و توێژینه‌وه‌ی زانستیی عێراق دابمه‌زرێن.

 

ئەوەشیخستوەتەڕو، ئەو كەسانەی كە یاساكە دەیانگرێتەوە لە دوای کاتژمێر (06:00)ـی ئێوارە لەڕێگەی لینکی ئەلیکترۆنییەوە بەدواداچون بۆ ئەنجامەکانیان بكەن كە لەم هەفتەیەدا لیستی ناوەکان رەوانەی وەزارەتی  پەیوەندیدار دەكرێت.

 

ئه‌نجومه‌نی خزمه‌ت له‌ عێراق ئاماژەی بۆ ئەوەشكردوە، یه‌كه‌مه‌كان و هه‌ڵگری بروانامه‌ی باڵا دۆسیه‌كانیان له‌ نزیكترین كاتدا یه‌كلایی ده‌كاته‌وه‌.

1033 جار خوێندراوەتەوە