لە سەردەمانی کۆندا ڕازاندنەوەی
ناو مزگەوتەکان بە جۆرەها ئایەتی قورئانی پیرۆز کە بە خەتی جوان نووسرابوون دیمەنێکی
ناوازەیان بە مزگەوتەکە دەبەخشی.
گەلەری:KNNC
هونەری خۆشنوسی کە بەشێکی
دانەبڕاوی جیهانی ئیسلامییە و موسڵمانان لە دێرزەمانەوە لە نوسینەوەی قورئانی پیرۆز
و نەخشاندن و ڕازاندنەوەی ناو مزگەوتەکان بەکاریدەهێنن، لە ئێستادا پشگوێ خراوە و
خەریکە لەبیر دەکرێت.
ئەو هونەرمەندانەی لە
کۆندا لەم بوارە کاریان کردوە تا ئەمڕۆش جێ دەستیان دیارە و تابلۆکانیان لە زۆرێک
لە ناوچەکانی جیهان دوبارە دەکرێنەوە و بە زیندویی دەهێڵدرێتەوە.
لە هەرێمی کوردستان کەمن
ئەو هونەرمەندانەی هەوڵ بۆ زیندوکردنەوەی ئەم هونەرە ڕەسەنەی ئیسلام دەدەن و، دەیانەوێت
ئەو سیما جوانە بۆ مزگەوتەکان بگێڕنەوە.
هونەرمەندی خۆشنوس و نەخشەسازی
زەخرەفە، نەهرۆ قادر ڕەشید کە لەدایکبوی شاری سلێمانیە، وەک خۆی باسی دەکات ماوەی 30
ساڵە خەریکی بواری هونەری خۆشنوسی و نەخشەسازی زەخرەفەیە و، هەمو هەوڵێکی بۆ زیندوکردنەوەی
ئەم هونەرە لەبیرکراوەیە.
هونەرمەند نەهرۆ دوای
ساڵانێکی زۆر لە دیراسەکردنی ئەم هونەرە، ماوەی چەند ساڵێکە دەستی بە جێبەجێکردن و
ڕازاندنەوەی مزگەوتەکانی شاری سلێمانی کردوە.
188 جار خوێندراوەتەوە