وتەبێژی هاتوچۆی هەولێر رایدەگەیەنێت، بەپێی سیستمی نوێی
مۆڵەتی شۆفێری هەر کەسێك مۆڵەتەکەی بەسەرچوبێت 60 هەزار دینار غەرامە
دەکرێت.
فازڵ حاجی، وتەبێژی هاتوچۆی هەولێر رایگەیاند: بەپێی سیستمی
نوێی مۆڵەتی شۆفێری، هەر كەسێك مۆڵەتی بەسەرچوبێت و نوێی نەكردبێتەوە و لەناو شار
بێت، بۆ یەك مانگ لێخۆشبونی بۆ دەكرێت و بۆ دانیشتووانی دەرەوەی شاریش دوو مانگ لێخۆشبونی
بۆ دەكرێت.
دەشڵێت: وادەیە هەر كەسێك مۆڵەتی شۆفێری بەسەرچووبێت و
نوێ نەكردبێتەوە بۆ هەر مانگێك پێنج هەزار دینار سزای بۆ دەنوسرێت.
ئاماژەی بەوەشداوە، ئەگەر کەسێك مۆڵەتەکەی بۆ ماوەی یەک
ساڵ بەسەرچوبێت 60 هەزار دینار غەرامە دەکرێت.
532 جار خوێندراوەتەوە