چوارچێوەی هەماهەنگی بە داواکارییەکانی سەدر رازی بوو

KNN : Kurdish News Network
08:05 - 17/09/2022
عێراق

چوارچێوەی هەماهەنگی نامەیەکی ئاڕاستەی موقتەدا سەدر کردوە و رازی بون بە داواکارییەکەی بۆ دانانی کاتێك ئەنجامدانی هەڵبژاردنی پێشوەختە.

عەلی جەمالی، ئەندامێکی چوارچێوەی هەماهەنگی ناوەرۆکی نامەیەکی چوارچێوەی بۆ موقتەدا سەدر ئاشکرا کرد.

دەشڵێت: چوارچێوەی هەماهەنگی دڵنیایی دەدات دانیشتنی داهاتوی پەرلەمان زۆر گرنگ دەبێت و تەشریفی نابێت.

ئاماژەی بەوەشکردوە، دڵنیاییان داوەتە سەدر لەو دانیشتنەدا پێشنیاری پڕۆژەیاسای گۆڕینی یاساکانی هەڵبژاردن گفتوگۆی لێوەدەکرێت و کاتێکیش بۆ ئەنجامدانی هەڵبژاردنی پێشوەختە دادەنرێت.

راشیگەیاند: سەدر داوای ئەنجامدانی هەڵبژاردنی پێشوەختە دەکات، ئەمەش داواکاری سەرجەم فراکسیۆنەکانە و زۆربەشیان دەیانەوێت گۆڕانکاری لە یاسای هەڵبژاردندا بکرێت.



1776 جار خوێندراوەتەوە