شارەزایەکی کەشناسی عێراق رایدەگەیەنێت، عێراق ماڵئاوایی لە کۆتا شەپۆلی گەرمای ئەمساڵ دەکات و هێدی هێدی پلەکانی گەرما دادەبەزن.

شارەزایەکی کەشناسی رایگەیاند: عێراق لەم هەفتەیەدا ماڵئاوایی لە کۆتا شەپۆلی گەرما دەکات و پلەکانی گەرما دادەبەزن جگە لە ناوچەکانی باشور.

لە بارەی کەشی چەند رۆژی داهاتو دەشڵێت: چاوەڕوان دەکرێت لە دو رۆژی داهاتودا خۆڵبارینێکی سوك سەرجەم پارێزگاکانی عێراق و هەرێم بگرێتەوە.

ئاماژەی بەوەشکردوە، هاوینی ئەمساڵ گەرمترین بوە بەراورد بە 30 ساڵی رابردو.


هاوکات، کەشناسی هەرێم رایگەیاند: ئەمڕۆ چوارشەممە، ئاسمان بە گشتی ساماڵ دەبێت و پلەکانی گەرما بەراورد بە دوێنێ بەرزدەبنەوە.

باسی لەوەشکردوە، سبەینێ پێنجشەممە، ئاسمان بە شێوەیەکى گشتى ساماڵ دەبێت لەگەڵ بوونی تۆزێکى سوک و پلەکانی گەرما گۆڕانکاری ئەوتۆیان بەسەردا نایەت.