ئایا بەهۆی بەرزبونەوەی ژمارەی توشبون بە کۆرۆنا لە جەژندا کەرەنتینە رادەگەیەنرێت؟

KNN : Kurdish News Network
12:23 - 06/07/2022
کوردستان

بەرێوەبەری گشتی دیوانی وەزارەتی تەندروستی حکومەتی هەرێم داوا دەکات رێکارەکانی روبەروبونەوەی کۆرۆنا توند بکرێنەوە و ئێستا هەرێمی کوردستان لە روبەروی پێنجەمین شەپۆلی کۆرۆنادایە.

 

خالس قادر، راوێژکارى تەندروستى لە پەرلەمانى کوردستان رایگەیاند: ژمارەی توشبون بە کۆرۆنا لە ماوەی چەند رۆژی رابردودا بە شێوەیەکی بەرچاو زیادیکردوە.

 

ئاماژەی بەوەشکردوە، هەڵمەتی هۆشیاری بۆ وەرگرتنی ڤاکسینی کۆرۆنا بەردەوامە و کاریگەری هەبوە لە دابەزاندنی ژمارەی توشبون و ئاستی مەترسییەکەی.

 

هاوکات، ئاسۆ حەوێزی، وتەبێژی وەزارەتی تەندروستی رایگەیاند: ژمارەی توشبون رو لە زیادبونە و ئێمە لە سەرەتای شەپۆلی پێنجەمی کۆرۆناین.

 

داواشی کرد، ئەو کەسانەی ڤاکسینیان وەرنەگرتوە ڤاکسین وەرگرن، بەو پێیەی ژمارەی ئەو کەسانەی کوتراون زۆر نییە.

691 جار خوێندراوەتەوە