د. پشدەر: لە ئێستادا پەتای کۆرۆنا لە ناو منداڵاندا بڵاوبوەتەوە

KNN : Kurdish News Network
05:17 - 05/07/2022
کوردستان

بەڕێوەبەری نەخۆشخانەی د. جەمال ئەحمەد رەشیدی منداڵان رایدەگەیەنێت، کۆرۆنا لە ناو مناڵاندا بڵاوبوەتەوە و پێویست بە ترس ناکات.

 

د. پشدەر عەبدوڵا، بەڕێوەبەری نەخۆشخانەی د. جەمال ئەحمەد رەشیدی منداڵان رایگەیاند: لە ئێستادا پەتایەک لەناو منداڵاندا بڵاوبوەتەوە کە بەتای بەرز و قوڕگ ئێشە و سەرئێشە و تەڕبونی لوت دەناسرێتەوە.

 

دەشڵێت: دو هەفتە پێش ئێستا هۆشداریمان دا لە بەرزبونەوەی ژمارەی توشبوانی کۆرۆنا و لە ئێستاشدا بەشێك لە توشبوان منداڵانن.

 

ئاماژەی بەوەکردوە، لەماوەی دو رۆژدا لەدوای وەرگرتنی چارەسەر باروودۆخیان باش ئەبێت و داواشی کردوە ئەو منداڵانەی تەمەنیان سەرو (12) ساڵە خۆیان بکوتن و پابەندی رێنماییە تەندروستییەکان بن.

 

د. پشدەر رایگەیاند: دایکان و باوکان لەکاتی توشبونی منداڵەکەیان بە کۆرۆنا پێوستە نەترسن و لە کاتی توشبوندا چارەسەری زۆر وەرنەگیرێت چونکە کۆرۆنا وەکو ڤایرۆسەکانی دیکە لەگەڵ تەواوبونی سوڕەکەیدا تێدەپەڕێندرێت.

 

باسی لەوەکردوە، لە کاتی هەبونی نیشانەکانی وەکو تای بەرز، رشانەوە، نەمانی ئارەزوی خواردن، وشکبونەوە و گەشکەدا پێویستە سەردانی نەخۆشخانەی منداڵان بکرێت.

249 جار خوێندراوەتەوە