تەندروستی سلێمانی سەرچاوەی سکچون و رشانەوەی هاوڵاتییانی دۆزییەوە

KNN : Kurdish News Network
03:07 - 16/06/2022
کوردستان

قائیمقامیەتی سلێمانی راگەیەنراوێکی لە بارەی دۆزینەوەی سەرچاوەی سکچون و رشانەوەی هاوڵاتیانەوە بڵاوکردەوە.

 

قائیمقامیەتی سلێمانی رایگەیاند: لەسەر داوای بەرێوبەرایەتی تەندروستی سلێمانی و بە فەرمانی قائیمقامی سلێمانی لیژنە هاوبەشەکان نۆ شەمعەی ئاوی داخست کە لەرێگەی تەنکەرەوە ئاوی خواردنەوەیان بە هاوڵاتییان دەفرۆشرت.

 

ئاماژەی بەوەشداوە، دوای زۆربوونی حاڵەتەکانی سکچون و ڕشانەوە لەنێو هاوڵاتیاندا، پشکنین بۆ ئاوی هەموو شەمعەکانی ناوشاری سلێمانی کراوە، دەرکەوتووە ئاوی نۆ لە شەمعەکان شیاو نین بۆ خواردنەوەو سەرچاوەی چەند جۆرێک بەکتریایان تێدایە.

 

دەشڵێت: بە فەرمانی قائیمقامی سلێمانی و لەسەر داوای بەرێوبەرایەتی تەندروستی سلێمانی سەرجەمی ئەو نۆ شەمعەی ئاوە لە ناوچەی تانجەرۆ داخران و رێگە نادرێت ئاوەکەی بە ماڵان بفرۆشرێت.

 

ئەوەش لەکاتێکدایە، ماوەی چەند رۆژێکە سکچون و رشانەوە لە ناو هاوڵاتییانی سلێمانیدا بڵاوبوەتەوە، ژمارەی توشبوان زۆرە بە شێوەیەکە جێگا لە بەشێك لە نەخۆشخانەکاندا نەماوە و نەخۆشخانەی شەهید د. هێمن بۆ خەواندنی توشبوانی سکچون و رشانەوە تەرخان کراوە. 

 
7176 جار خوێندراوەتەوە