پەرلەمانی عێراق بە کۆی دەنگ بەرپرسێکی باڵای لە پۆستەکەی دورخستەوە

KNN : Kurdish News Network
01:44 - 19/05/2022
عێراق

پەرلەمانی عێراق لە دانیشتنی ئەمڕۆیدا بە ئامادەبونی (333) پەرلەمانتار کۆبوەوە و بە کۆی دەنگ بڕیاردرا عەمار جەبر جبوری پارێزگاری سەڵاحەدین لە پۆستەکەی دوربخرێتەوە.

 

ئەمڕۆ پێنجشەممە، پەرلەمانی عێراق بەهۆی بونی چەند دۆسییەکی بەهەدەردانی سامانی گشتی و خراپ بەڕێوەبردن بڕیاریدا بە دورخستنەوەی پارێزگاری سەڵاحەدین لە پۆستەکەی.

 

میدیا عێراقییەکان نزیکەی (13) دۆسیەی  پارێزگاری سەڵاحەدینیان بڵاوکردوەتەوە کە چەند گرێبەستێکی ئەنجامداوە و تێیدا پارەیەکی زۆری لە چاککردنەوەی کارەبا و کڕینی کامێرای حەراری و نەخۆشخانەی بوژانەوەی دڵ خەرج کردوە بە بڕی زیاتر لە دو ملیۆن دۆلار بۆ کڕینی دەزگای پاکژکردنەوە بۆ چەند نەخۆشخانەیەك.

424 جار خوێندراوەتەوە